Notabel boecxken van cokeryen Om galentijn te maken tot snoecken.  Neemt snoecken, dye bereyt [bereid die] ende snijtse met grooten kertten [stukken] ende die palinghen suldi haer huyt afstroopen. Als dat gedaen es, soe suldijt oock snijden met [in] grooten stucken ende doet den graet uute. Dan doeten sieden [laat hem koken] in eenen pot oft in een panne in wijn. Ende dye wyle [terwijl] dat siet, soe doet erinne wat edicx [azijn]. Als den palinck rechs op den suede es [net aan de kook is], so legt den snoeck daerinne, dye oock ghesneden es met grooten stucken. Als den vysch ghesoden es, soe neempt dat sop ende doet dat in eenen erdenen [aarden] pot ofte in een andere houten vaetken. Dan neempt broot ende snijt dat in platten stucken ende dat suldy braden oft hersten [roosteren] alsoe bruyn alst moghelijck es sonder berren. Dan suldijt te weycke legghen int voerseyde sop dat ghi gheghoten hebt van den selven vyssche ende doent doer eenen stramijn [zeef]. Alst doergedain es, soe neempt caneel, ghimbere, greyne [kardemom], groffelsnaghelen [kruidnagel] ende ghestooten galigaen [gestampte galanga] ende alle dese specien [specerijen] moeten ghebroken sijn. Doet alle dye specyen in dat voerseyde sop. Dan syet dat sop met die specien seere langhe ende vele, alsoe langhe alst moghelijck es. Maer huedet emmers wel [let er vooral goed op] dat nyet en verberre [dat het niet aanbrandt] ende soutet seere wel van passe [precies genoeg]. Alst ghesoden [gekookt] es, soe settet den (fol.Dro) eerdenen pot ofte het houten vaetken te cuelene [koelen] ende doeghet, alst ghesoden es, noch eens duere [wrijf het (...) nog eens door een zeef]. Dan doetter suyckere inne. Alst aldus bereet [bereid] es, soe neempt den snoeck ende den palinck also hi ghesneden es ende legten in galentijn. [Home]      Laatste wijziging: 22-01-04